لحدن ٍيحاكيني ترى الخاطر اقصاه
.............. والدمع يا قلب العنا مايطيبك
حتى لو ابكي وش ورى دمعي و ماه
.............. ويلي على ادري ويش قلبي يبي بك
تطري علي والقلب ماجاه كفاه
.............. غايب لكن غيبتك ماتغيبك
خذيت تلفوني القديم اتقراه
.............. الين فاحت شاشته ريح طيبك
رقمك مسجاتك وصوتك و طرياه
.............. كن الطيوف اقبال عيني اتجيبك
لابوك يالتلفون ماتسمع الآه
.............. في ذمتي انك صدق ضيعتني بك
متعومس الخاطر وياقلب ويلاه
.............. ماقد ذبحني الا سكوتك و طيبك
ولاانت يالاهي ولاادري وش الهاه
.............. طف ِبوصالك مابقى من لهيبك
ياحبك لقطع المواصيل حباه
.............. قطعت قلبي منك لا قطع صيبك
وسويت في اللي سواتك ماسواه
.............. واتحملك مهما جرى و ارتضي بك
ياذابحي ياصبر ذالقلب صبراه
.............. ذبحته بكفك وهو ملتجي بك
بتروح..؟ روح و دربك الله يرعاه
.............. لو ابغى اجيبك اعرف وشلون اجيبك
در في ثرى الدنيا و مثلي ما تلقاه
.............. تبطي عظم ماشفت زولن يذيبك
حظ الهوا اللي اتعيش به بس حظاه
.............. لانه الوحيد الي قدر يختلي بك
ادرى عليك من الهوا و اتحاشاه
.............. واورف بك و اهيم بك و اعتني بك
لانك سحاوي و السحى يكسر اجباه
.............. وشلون ماتبغي الهوا يستحي بك
عيبي احبك لو غرامك معاناه
.............. وانت الغياب اللي بلا عذر عيبك
اضيق من جفواك و اجرها اه
.............. اخاف من غدر الزمان يغدي بك
لو انك تدري خاطري عقبك ايش جاه
.............. يمكن تنوح الليل و اتطر جيبك
اشره على الحب اللي عطيتك اياه
.............. ملعون حظ ٍ حط ْحبي نصيبك
هملتني بين الامل و المحاتاه
.............. مدري عدوك صرت ولا حبيبك ؟
موضوع: لحدن ٍيحاكيني ترى الخاطر اقصاه 